Videos do 1º Open Internacional de Acrobacia F3A organizado por As Gaivotas na pista do Concello de Cerceda Continue reading «1º Open na galega»
Artículo en A Nosa Terra 01/07/2008. Con vídeo
Os pronósticos cumpríronse: Joan Rombaut e Andrés Leoni foron os dous primeiros clasificados no 1º Open Internaciaonal As Gaivotas celebrado o pasado fin de semana en Cerceda.
Continue reading «Artículo en A Nosa Terra 01/07/2008. Con vídeo»
Artículo en A Nosa Terra 12/05/2008. Con vídeo
Cerceda acollerá un dos campionatos de acrobacias máis importante
a nivel internacional os días 28 e 29 de xuño
Para celebrar o seu 25 aniversario, o Clube de Voo As Gaivotas,
organiza o Open Internacional de Aeromodelismo Acrobacia F3A.
A cita terá lugar o último fin de semana de xuño na pista de
aeromodelismo de Rodís, no Concello de Cerceda.
ANT TV estivo con varios dos responsables do clube e pasou unha
xornada cos participantes do curso de aeromodelismo que tamén
leva a cabo no Concello de Cerceda. Un deporte diferente que
cada vez atrae a máis persoas desexando probar a experiencia de
pilotar un avión.
Enlace ao artículo en A NOSA TERRA e ver video
Artículo en La Voz de Galicia. 11/4/2008
A aviación en miniatura levará a Cerceda ata o máis alto
A pista de aeromodelismo de Rodís acollerá, durante o último fin de semana de xuño, a proba de acrobacias máis importante das competicións internacionais
- Autor:
- M. V. 11/4/2008
A pista de aeromodelismo do Concello de Cerceda, inaugurada o ano pasado en Seixas, na parroquia de Rodís, acollerá o próximo mes de xuño o Open Internacional de Aeromodelismo Acrobacia F3A, unha proba que, como adiantou fai uns meses o alcalde cercedense, José García Liñares, durante un pleno, «é algo así como a Champions League deste deporte». Non esaxeraba o rexedor, e con outro símil parecido explicou o secretario do Club de Voo As Gaivotas, Agustín Rei, que é iso do F3A: «é o equivalente á Fórmula 1 do aeromodelismo acrobático, é a competición máis difícil, máis complicada e máis técnica que existe na actualidade».
Artículo en La Voz de Galicia. 23/9/2007
Cerceda acolle un campionato autonómico de aeromodelismo
- Autor:
- La Voz 23/9/2007
O Club As Gaivotas de Cerceda organiza a segunda e última proba do campionato galego de aeromodelismo da clase F3A-B e F3A-C.
A competición, que comezará ás 10.00 horas, terá lugar no lugar das Seixas, na parroquia de Rodís. A proba conta coa presenza de dezaoito deportistas que loitará polo título ata as dúas da tarde.
Cada concursante deberá realizar tres mangas e en cada unha delas deberá efectuar 15 figuras co seu avión.
Pola tarde, o club As Gaivotas organiza unha exhibición de carácter libre nas instalacións que comezarán ás 17.00 horas.
Enlace ao artículo en La Voz de Galicia
Artículo en La Voz de Galicia. 25/9/2007
Máis de 300 persoas acoden a Cerceda atraídos polo campionato galego de aeromodelismo acrobático
- Autor:
- La Voz 25/9/2007
Unhas 300 persoas acudiron este domingo a Cerceda para presenciar o II Campionato Galego de aeromodelismo acrobático. Ésta foi a primeira vez que a pista, construída polo Concello en Rodís, acolle unha proba destas características. O recinto foi inaugurado o domingo e aglutinou a ao redor de 30 pilotos, chegados desde diversos puntos do territorio galego.
Os membros do club As Gaivotas, encargados de organizar o acto, ofreceron a posibilidade aos asistentes de apreciar as evolucións dos participantes pero, sobre todo, de ver que se pode facer cun destes avións. Ademais, o tempo acompañou e o sol, que luciu durante toda a xornada favoreceu a asistencia de visitantes de varios concellos dos arredores da localidade.
Clasificación: En categoría FE A-B, Juan Manuel Miranda das Gaivotas e Christian Paradela, dos Diaños. En F3 A-C. Francisco Piñeiro, de Pontevedra, Camilo Cobas e Miguel Ángel Boedo, ambos dos Diaños.
Artículo en La Voz de Galicia. 22/9/2007
Rodís acolle unha proba galega de aeromodelismo
- Autor:
- La Voz 22/9/2007
Mañá, o novo circuíto As Seixas, en Rodís, o Club As Gaivotas Aeromodelismo Cerceda, que preside Ramiro Padín, acolle a segunda e última proba do campionato galego F3A.
A competición, que comezará ás 10.00 horas, desenvolverase ata as 14.00. Nela tomarán parte 18 participantes, que deberán realizar tres mangas. En cada unha terá que realizar 15 figuras fixas cos seus avións.
Tamén informou Ramiro Padín que pola tarde haberá unha demostración, pero será de carácter libre e de exhibición. Nesta oportunidade, a sesión comezará ás 16.30 horas.
Picha aquí para ler o artículo en La Voz de Galicia
Campionato en pista de As Gaivotas
Estamos moi contentos de comunicar que o próximo día 23 de setembro as 10 da mañá escomenzarán as probas do campionato galego de acrobacia nas especialidades: F3A,F3A-B e F3A-C.
Estas probas se desenrolarán ao longo do deste domingo, e se realizarán (por fin) na nova pista que o clube ten no concello de Cerceda. Estades todos convidados a participar en este día.
Nos vemos ese día, non faltedes. Teredes ocasión de estrenar unha pista.
Inscripción para proba en As Gaivotas
Como xa sabedes foi anunciado a celebración de probas F3A, F3A-B e F3A-C puntuables para o campionato galego de aeromodelismo para o día 23 de setembro de 2007. Pois, comunicase a apertura de inscripción para el. Para inscribirse chega con mandar un correo a contacto@asgaivotas.com, ou chamar aos seguintes números de teléfono:
José Manuel Miranda: 670969614
Agustín Rey: 679427855
Teredes que proporcionar os seguintes datos:
Nome e apelidos
DNI
Clube ao que pertencedes
Frecuencia
En que modalidade ides participar
O custo da inscripción será de 5 euros.
08/08/2007 Recreación da pista de Cerceda
Esta é unha imaxe recreando o que será a nova pista en Rodís – Cerceda.
¿Que boa pinta verdade?
Estamos citados co alcalde e a empresa a cal se lle concedeu a realización do proxecto, este luns hai previsión de iniciar as obras.
Todo está máis preto.