Cea de nadal – 2016

A tradicional cea de Nadal do clube do ano 2016 será o día sábado 3 de decembro no Restaurante O’Secreto,  ás 22:30. No enderezo:

Telf: 981 916 010

O menú consistirá en:

  • Empanada
  • Pulpo
  • Zamburiñas
  • Sapitos
  • Zorza
  • Bebida y postres varios.

O precio será de 25€.

Para apuntarse, temos varias opcións:

Centollo Meeting 2016

En só un mes celebraremos unha nova edición do Centollo Meeting! A concentración de aeromodelismo que organiza o Club de Voo As Gaivotas terá lugar os días 27 e 28 de agosto de 2016. Xa algúns pilotos confirmados, con algunhas novidades novidades coma un pequeno concurso para iniciarse á acrobacia e tamén ao voo de veleiros eléctricos. Teremos en breve máis información.

Non esquezas a data do 27 e 28 de agosto, na pista de Rodís en Cerceda. Vémonos alí!

IX Rally Arteixo

Aínda que parezca extraño, o vindeiro día 30 de maio, o Clube As Gaivotas participará na IX edición do Rally Arteixo de vehículos históricos. Ese sábado, a proba realizará unha parada nas instalacións de aeromodelismo de Rodís (Cerceda) para disfrutar dunha exhibición de aeromodelismo que realizaremos para eles. O horario da exhibición será de 18:30 a 20:00 e será aberta a todo o público interesado. É unha oportunidade única para disfrutar do mundo do motor tanto na súa versión terrestre como aérea!

Se ere piloto e queres vir a voar, envía a túa inscripción a contacto@asgaivotas.com. Dado que se trata dunha exhibición, será necesario demostrar as habilidades de voo previamente, polo que as verificacións se farán a partires das 16:00 e ata as 18:00.

Probas e eventos para o ano 2015

As probas e eventos aprobados en asamblea para este ano 2015 son os seguintes:

  • VII Open Internacional de F3A Cerceda 2015 – 27 e 28 de xuño
  • Centollo Meeting e Campionato Galego de F3K – 29 e 30 de agosto
  • II Open Nacional de F5J A Queimada 2015 (categorías K4 e K6) – 12 e 13 de setembro
Agardamos a túa participación!!!

Centollo Meeting 2014

Xa temos todo listo para unha nova edición do Centollo Meeting! Será este fin de semán e queremos que sexa a maior exhibición de aeromodelismo do noroeste español. Xa temos confirmados máis de 15 pilotos, este ano con novidades coma a demostración de voo circular e a presencia de avións de máis tipos e categorías que o ano pasado. Se queres ter toda a información do evento, accede á páxina web:

www.centollomeeting.com

Non esquezas a data, será os vindeiros 30 e 31 de agosto, na pista de Rodís en Cerceda. Vémonos alí!

Calendario de Probas para o 2014

Xa temos as datas finais das probas e eventos que faremos neste ano 2014:

  • F5J: Realizaremos dúas probas este ano, unha de caracter autonómico e a outra nacional. Dado o éxito obtido nestos dous anos, pensamos que xa é hora de plantexar unha normativa máis acorde coa doutras comunidades, máis sempre pensando en que calquer tipo de veleiro eléctrico poida competir. É por iso que usaremos a normativa K4-K6, que plantexa asignar un tempo limitado de motor en función do peso e consumo do modelo. Deste xeito, a primeira proba servirá para que tomemos contacto coa modalidade e, así, a segunda proba servirá para medirnos con xente de fora. Así teremos:
    • Campionato Galego F5J As Gaivotas – 2014: Será os días 10 e 11 de maio na pista de A Queimada en Oza-Cesuras. A idea é aproveitar o sábado para facer unha pequena introducción á modalidade e treinarnos nela. O noso compañeiro Daniel Samaniego será o encarregado de facelo. O domingo pola mañá faremos a proba. Ó ser unha proba oficial de caracter rexional será necesario contar coa licencia autonómica preceptiva.
    • I Open Nacional de F5J As Gaivotas – 2014: Será no fin de semana do 27 e 28 de setembro tamén na pista de A Queimada. Esta proba estará aberta a todos os pilotos nacionáis con licencia e poderá seguirse tamén na páxina oficial da especialidade F5J.es.
  • F3A: O tradicional Open Internacional de F3A – Cerceda 2014 – World Cup terá lugar os días 28 e 29 de xuño na pista de Rodís en Cerceda. Xa vamos pola VII edición, aínda que este ano, dada a falta de apoio económico oficial, terá que ser algo máis austero.
  • Centollo Meeting: A xa consolidada xuntanza e exhibición de aeromodelismo acadou o ano pasado un éxito sen precedentes, a pesares de que o tempo non acompañou. Este ano, continuaremos nesa liña mantendo a convocatoria para o derradeiro fin de semana de agosto: os días 30 e 31. Coma sempre, manteremos máis información na páxina específica do maior evento de aeromodelismo do noroeste.

E recordade todos os amantes do mundo aeronáutico que, este ano, os coruñeses estamos de noraboa. Por si non estades ao tanto, os días 18, 19 e 20 de xullo celebrarase o Festiva Aéreo da Coruña, tomando o relevo neste caso a Vigo. A disfrutar deste ano aeronáutico!!!

Resultados da Segunda Proba de F5J e Clasificación da Liga 2013

O pasado domingo 22 de setembro, cun tempo estupendo, celebrouse a segunda proba do ano 2013 da especialidade de veleiros eléctricos F5J que, co tempo, vai gañando adeptos e, así, tivemos mesmo a honra de contar con dous grandes pilotos asturianos. Deste xeito, voáronse 4 mangas co resultado seguinte:

Así, pechabamos a tempada da Liga de F5J Galega, polo que os resultados serviron para determinar a clasificación final, que foi a seguinte:

Dende a Directiva felicitamos a tódo-los participantes e animamos aos que aínda non o fixeron a que se preparen para facelo o vindeiro ano, pois é unha especialidade que paga a pena. Moitas grazas a todos e parabéns aos gañadores!

Segunda Proba Campionato Galego F5J – 2013

Recordade que o vindeiro 22 de setembro terá lugar na pista de A Queimada (Oza dos Ríos) a segunda proba do Campionato Galego de F5J. A normativa a utilizar non limita modelos nin pesos e é esta:

Normativa F5J

Dado que se trata dunha proba oficial, será necesario dispor da licencia federativa para figurar na clasificación galega. A inscripción será de valde e os interesados poden facelo enviando un correo a contacto@asgaivotas.com. Imos tratar de arranxar algún sitio para comer, xa vos informaremos do prezo, aínda que trataremos de que sexa asequible.